काठमाडौं – नेकपा एमालेका अध्यक्ष केपी शर्मा ओली र अभिनेत्री रेखा थापाबीच भेटवार्ता भएको छ । राप्रपा केन्द्रीय सदस्य समेत रहेकी थापा शुक्रबार एमाले अध्यक्ष ओलीलाई भेट गर्न उनकै निवास बालकोट पुगेकी थिइन् । उक्त भेटमा थापासहित राप्रपा महामन्त्री कुन्ती शाही पनि रहेकी थिइन् ।
उनीहरुबीच आउँदो निर्वाचन र समसामयिक राजनीति बिषयमा कुराकानी भएको छ । थापाले आफूहरुको बेटबारे जानकारी दिदै समग्रमा देश र अहिलेको राजनीतिक अवस्थाबारे पार्टीगत कुराकानी भएको बताइन् ।
प्रतिनिधिसभा र प्रदेशसभा निर्वाचन मंसिर ४ गते हुँदैछ । निर्वाचन नजिकिँएसँगै विभिन्न राजनीतिक दलहरु तयारीमा लागिसकेका छन् । यसैबीच आउँदो निर्वाचनमा एमाले र राप्रपाको तालमेल हुन सक्ने अनुमान लगाइएको छ ।
प्रतिक्रिया दिनुहोस्
