काठमाडौं । नेपाली चलचित्र क्षेत्रका चर्चित अभिनेता कार्म विवाह बन्धनमा बाधिँएका छन् । उनले विदेशी प्रेमिका एनी सोफीसँग विवाह गरेका हुन् । लामोसमयको प्रेमसम्बन्धपछि उनले प्रेमिका एनीसँग गत वर्ष विवाह गरेको बताइएको छ ।
विवाह एक बर्षअघि गरेको भएपनि अहिले उनले भोज दिन लागेका छन् । उनले बिहे पार्टी भदौ ४ गते गर्ने भएका छन् । सार्वजनिक कार्ड अनुसार बिहेभोज भदौ ४ गते आयोजना गरिएको छ ।
भोजमा कार्म र उनीले आफू निकट फिल्मकर्मी, व्यवसायी र साथीभाइलाई रिसेप्सनको निम्तो दिएको छ । कार्मका पिता महेन्द्र र आमा घनलक्ष्मीले आयोजना गरेको निम्तोमा कार्म वेड्स एनी सोफी लेखिएको छ । एनी युरोपेली रहेको र उनी कार्मसँग केही वर्षदेखि रिलेसनसिपमा रहेको र विवाह गरेको बुझिएको छ ।
कोरोना महामारीका कारण बिहेभोजमा ढिलाइ भएको पनि कर्मले खुलाएका छन् । गत वर्ष नै उनले विवाह गरेको भए पनि उनले यो कुरा गुपचुप राखिरहेका थिए ।
