काठमाडौं – बलिउडका चर्चित अभिनेता शाहरुख खानकी सुहाना खान पछिल्लो समय आफ्नो बुबा जस्तै विभिन्न कारणले चर्चामा आइरहने गर्छिन् ।
फिल्म क्षेत्रमा डेब्युको तयारीमा रहेकी सुहानाका सामाजिक सञ्जालमा धेरै फ्यान छन् । उनको हरेक पोष्ट भाइरल हुने गर्छ । उनी हरेक दिन आफ्ना तस्विर र भिडियो शेयर गरिरहेकी छिन् । जसलाई उनका फ्यानहरुले धेरै नै रुचाउछन् ।
धेरै फ्यानहरुले उनी पदौमा आएको हेर्न चाहेको कुरा पनि गर्छन् । अब भने त्यो प्रतिक्षा धेरै कुर्नु नपर्ने भएको छ । एक रिपोर्टका अनुसार सुहाना आगामी दिनमा कमेडी फिल्ममा देखिने भएकी छिन् । जसमा उनी अमिताभ बच्चनका नाति अगस्त्य नन्दाले पनि अभिनय गर्ने भएका छन् ।
सुहानाले यस फिल्ममा अगस्त्यसँग जोडी बाध्नेछिन् । अगस्त्य बिग बीकी छोरी श्वेता नन्दका छोरा हुन् ।यो खबरपछि यो जोडीलाई हेर्न मानिसहरु निकै उत्साहित भएका छन् । यो फिल्म अरु कोही होइन जोया अख्तरले निर्माण गर्दैछिन् । रिपोर्टहरू विश्वास गर्ने हो भने, जोया अख्तरले यसको निर्देशन पनि गर्नेछिन्।
