काठमाडौं – नेपाल राष्ट्रिय फुटबल टोलीका गोलरक्षक तथा कप्तान किरण कुमार लिम्बू (चेम्जोङ) विवाह बन्धनमा बाँधिएका छन् । उनले बुधबार प्रेमिका कञ्चन निरौलासँग विवाह गरेका हुन् ।विगत २ वर्ष देखिको प्रेम सम्बन्धलाई उनीहरुले आज विवाहमा परिणत गरेका हुन्।
विवाहमा थोरै आफन्तलाई निम्तो दिइएको थियो । उनीहरुको विवाहका तस्बिरहरु पनि सार्वजनिक भएको छ । तस्बिरमा उनीहरु सुन्दर जोडीको रुपमा देखिएका छन् । दुवै तस्बिरमा मुस्कुराएका छन् ।
गएको साउन १७ गते माजिया स्पोर्टस एन्ड आरसीले माल्दिभ्सको धिवेही प्रिमियर लिगको उपाधि जित्दा किरणले एयर होस्टेज कञ्चनलाई विवाहको प्रस्ताव राखेका थिए । किरणकी प्रेमिका कञ्चन एती एअरलाइन्समा एअर होस्टेज हुन् ।
प्रतिक्रिया दिनुहोस्
