काठमाडौं । चर्चित गायक कमल खत्रीले गायिका मेलिना मैनालीसँग इन्गेजमेन्ट गरेका छन् । आफूहरुले इन्गेजमेन्ट गरेको बारे आइतबार सामाजिक सञ्जालमार्फत उनीहरुले जानकारी गराएका छन् । गायक खत्रीले जीवनको नयाँ अध्यायको सुरुवात मेलिनासँग हुनु नै आफ्नो जीवनको सुखद् पक्ष रहेको बताएका छन् ।
उनीहरुले लेखेका छन् – ‘जीवनको नयाँ अध्यायको सुरुवात तिमीसँग हुनु नै मेरो जीवनको सुखद् पक्ष हो । चाहना यति छ कि साथ तिम्रो होस् र जीवन कहिले खतम नहोस् । जीवनको उतारचढावमा सदैव एकअर्काको साथमा रहने वाचा गर्दै हामीले रीतिरिवाज अनुसार इन्गेजमेन्ट गरेका छौं ।’
केही समयदेखि प्रेम सम्बन्धमा रहेका उनीहरुले अब केही समयमा विवाह गर्ने बताएका छन् । कमल नेपाली सांगीतिक क्षेत्रका चर्चित गायक हुन् भने मेलिना भ्वाइस अफ नेपालबाट चर्चामा आएकी थिइन् ।
प्रतिक्रिया दिनुहोस्
