काठमाडौं – करण जोहार प्रोडक्सनमा निर्माण भएको फिल्म ‘ब्रह्मास्त्र’ को पछिल्लो समय निकै चर्चामा छ । रणवीर कपुर र आलिया भट्टको मूख्य भूमिका रहेको यस फिल्मले शुरुवातदेखि नै धमाकेदार कमाई गर्दै आइरहेको छ । ४१० करोडको लगानीमा बनेको यस फिल्मले पहिलो दिन सबैभन्दा धेरै कमाएर रेकर्ड राखेको छ ।
यस फिल्मले पहलिो दिनमै भारतमा साढे ३१ करोड कलेक्सन गरेको थियो । यस्तै दोस्रो दिन साढे ३७ करोड र तेस्रो दिन साढे ३९ करोड कमाएको छ । यस पिवmल्मले शुरुको दिन भन्दा विस्तारै कमाई बढाउदै लगिरहेको छ ।
स्टार स्टूडियोज, धर्मा प्रोडक्सन, प्राइम फोकस र स्टारलाईट पिक्चर्सले निर्माण गरेको फिल्म हिन्दी, तमिल, तेलुगु, मलयालम र कन्नड भाषामा रिलिज भएको छ । आयान मुखर्जीको निर्देशनमा बनेको यस फिल्ममा अमिताभ बच्चन, रणवीर कपुर ,आलिया भट्ट, मौनी रोय र नागार्जुन अक्किनेनीलगायतको अभिनय छ ।
