काठमाडौं । काठमाडौ महानगरपालिकाले अनधिकृत भौतिक संरचना भत्काउने क्रममा टुकुचा खोला भेटिएको छ । बिहिबार हात्तीसारस्थित जय नेपाल हलको कम्पाउण्ड डोजरले भत्काउँदा करिब १५ फिटको गहिराइमा टुकुचा खोला फेला परेको जनाइएको छ ।
अहिले काठमाडौंका मेयर बालेन्द्र शाहको नेतृत्वमा काठमाडौंको विभिन्न स्थानमा अनधिकृत रुपमा बनेका संरचना भत्काउने काम भइरहेको छ । यसैबीच आज जय नेपाल हलको कम्पाउण्ड भत्काउने क्रममा टुकुचा खोला फेला परेको हो । केही समयअघि स्थानीयहरुले खोला उत्खननको पनि माग गरेका थिए ।
प्रतिक्रिया दिनुहोस्
