काठमाडौं – अभिनेता प्रदीप खड्का अभिनित फिल्म प्रेम गीत ३ अहिले नेपाल र भारतका हलहरुमा प्रदर्शनमा आइरहेको छ । देशभर शुक्रबारबाट प्रदर्शनमा आएको यस फिल्मले पहिलो दिनमा नै राम्रो कमाई गर्न सफल भएको छ ।
देशभरका डेढ सय पर्दाबाट प्रदर्शनमा आएको यस फिल्मले पहिलो दिन दुई करोड ५० हजार कमाई गर्यो । हिन्दी संस्करणबाट ९२ लाख भारु अर्थात् झन्डै डेढ करोड कमाई गरेको छ । यस्तै शनिवार पनि यस फिल्मले धमाकेदार कमाई गरेको वितरकहरुले बताएका छन् ।
यस्तै यो फिल्म नेपा र भारत बाहेक अन्य देशमा पनि प्रदर्शनमा आएको छ । फिल्मले विश्वभरबाट भारू ४ करोड ८४ लाख अर्थात नेपाली ७ करोड ७५ लाख बढी कमाएको बताइएको छ ।
फिल्ममा प्रदिप खड्कासँगै क्रिष्टिना गुरुङ, शिव श्रेष्ठ, सुनिल थापा, सन्तोष सेन, माओत्से गुरुङ, पुस्कर कार्की, अनुभव रेग्मी, योगीशा खत्री, जीवन भट्टराई, लक्ष्मी बर्देवालगायत कलाकारको अभिनय रहेको छ । साङ्गीतिक प्रेम कथामा निर्माण भएको “प्रेम गीत ३” “प्रेम गीत” चलचित्रको निरन्तर सिरिज हो ।
