काठमाडौं – फिल्म ‘जेरी’ को दोस्रो श्रृंखला बन्ने भएको छ । सन् २०१४ मा आएको फिल्म ‘जेरी’ बाट अभिनेता अनमोल केसी र अभिनेत्री आना शर्मा निकै चर्चामाअ ाएका थिए । यसै फिल्ममार्फत आनाले अभिनेत्रीको रुपमा डेब्यू गरेकी थिइन् ।
अनमोलको भने यो दोस्रो फिल्म थियो । अब भने फिल्म जेरी २ बनाउने तयारी गरिएको छ । पहिलो श्रृंखलाकै निर्देशक हेमराज विसीले जेरी २ नै निर्देशन गर्ने बताइएको छ ।
यस फिल्ममा अनमोल र आनाकै जोडी जम्ने बताइएको छ । सरोज न्यौपाने र रामकृष्ण श्रेष्ठको संयुक्त लगानीमा निर्माण हुने यस फिल्मका लागि दुवैसँग एकसाथ कागजी सम्झौता गरिएको बताइएको छ । फेरि एकपटक अनमोल र आनाको जोडी हुने भएपछि दर्शक उत्साहित भएका छन् ।
प्रतिक्रिया दिनुहोस्
