काठमाडौं – नेकपा एमालेका नेता भीम रावल पार्टी अध्यक्ष केपी ओलीप्रति आक्रामक रूपमा प्रस्तुत भएका छन् । बिहीबार बबरमहलस्थित कार्की ब्यांक्वेटमा आयोजित पत्रकार सम्मेलनमा रावलले ओलीलाई विभिन्न आरोप लगाए ।
उनले आफ्नो राजनीति सिध्याउनकै लागि ओलीले आफूलाई टिकट नदिएकोआरोप लगाए । स्वेच्छारी ढंगले अघि बढेको उनले तल्लो तहमा सिफारिस नै नभएका तथा एमाले बनाउन कुनै योगदान नै नभएका व्यक्तिलाई टिकट दिएको उनले बताए ।
उनले होलीवाइनको कार्यक्रम आयोजना गर्ने एकनाथ ढकाललाई एमालेको समानुपातिक सूचीमा राखेको, एमालेकै नेतामाथि हत्या गर्ने उद्देश्यले राजविराजमा आक्रमण गर्न लगाउने, संविधान जारी गरेको विरोधमा कालो दिवस मनाउने उपेन्द्र यादवसँग चुनावी तालमेल गरेको तथा पूर्वपञ्चलाई मकवानपुर १ मा सिट छाडेको भन्दै ओलीको आलोचना गरे ।
प्रतिक्रिया दिनुहोस्
