गत शुक्रबारदेखि प्रदर्शनमा आएको चलचित्र ‘महापुरुष’ ले बक्स अफिसमा आक्रामक व्यापार गरेको छ । वर्ड अफ माउथ पब्लिटिसीले गर्दा पनि फिल्मले बक्स अफिसमा राम्रो व्यापार गरेको हो । शुक्रबार र शनिबार दुई दिनमा यो फिल्मले साढे दुई करोड आम्दानी गरेको निर्देशक तथा लेखक प्रदीप भट्टराईले जानकारी दिए । आईतबार हल रिपोर्ट बुझ्न सुत्र टिभी पुग्दा फिल्म हेर्न ९१ वर्षिय आमा समेत हलमा भेटिइन् । निर्देशक भट्टराईले ९१ वर्षिय आमाबाट आर्शिवाद समेत ग्रहण गरे ।
रविन्द्र सिँह बाँनिया कार्यकारी निर्माता रहेको फिल्म बच्चा देखि युवा अनि वृद्ध बा आमाले समेत निकै रुचाएका छन् । फिल्मलाई निकै सकारात्मक प्रतिक्रियाा प्राप्त छ । अधिकांश हलमा हाउसफुलको व्यापार गरेको फिल्म हेरिसकेपछि धेरैले आशु समेत झारेका थिए । षट्कोण आर्टस्को व्यानरमा निर्माण भएको चलचित्रमा हरिवंश आचार्य, मदनकृष्ण श्रेष्ठ, गौरी मल्ल, राजाराम पौडेल, अरुण क्षेत्री, अन्जना बराईली लगाएका कलाकारको प्रमुख भूमिका रहेको छ ।
