काठमाडौं – हलिउड फिल्म ‘अवतार: द वे अफ वाटर’ को ट्रेलर रिलिज भएको छ । जेम्स क्यामरुनले निर्देशनमा बनेको यस फिल्मको ट्रेलरमा साम वर्थिङटन, जो साल्डाना, सिगोर्नी विभर लगायतका कलाकार देखिएका छन् । सुली परिवारका जेक, नियतिरी र उनका बालबच्चाको संघर्ष देखाइएको यस फिल्मको ट्रेलर सार्वजनिक भए लगत्तै धेरैले रुचाएका छन् ।
फिल्मलाई निर्देशक जेम्स क्यामरुन र जोन ल्यान्डाउले निर्माण गरेका हुन् । फिल्मलाई पानीमुनि छायांकन गरिएको छ। यो फिल्मको लगानी २५० मिलियन अमेरिकी डलर रहेको बताइएको छ । फिल्म डिसेम्बर १६ मा १६० भाषामा विश्वभर प्रदर्शन हुँदेछ ।
प्रतिक्रिया दिनुहोस्
