काठमाडौं । बलिउड अभिनेत्री आलिया भट्ट आमा बनेकी छिन् । डेलिभरीको लागि मुम्बईको एचएन रिलायन्स अस्पताल भर्ना भएकी आलियाले आइतबार छोरीलाई जन्म दिएकी हुन् ।
आज बिहान नै आलियाले अब चाडै नै फ्यान र परिवारको लागि खुशीको खबर दिने बताएकी थिइन् । आलियाले आफू अस्पतालमा रहेको तस्वीर सेयर गर्दै आफूहरुको बच्चा चाँडै आउने पनि बताएकी थिइन् ।
रणवीर कपूर र आलिया भट्टले चार वर्षको डेटपछि गत अप्रिल २०२२ मा विवाह गरेका थिए । विवाहको दुई महिनापछि नै आलियाले आफू आमा बन्न लागेको जानकारी दिएकी थिइन्। आलिया सन्तान जन्मिएपछि तुरुन्तै काममा फर्किने मुडमा छैनन् ।
भलै रणवीरले यसअघिको एक अन्तरवार्तामा आलियालाई काममा पठाएर आफूले सन्तान स्याहार्ने बताएका थिए । तर, आलिया भने लामो ब्रेक लिने तयारीमा छिन् ।
प्रतिक्रिया दिनुहोस्
