काठमाडौं – बलिउडकी चर्चित अभिनेत्री दीपिका पादुकोण अहिले फिफा विश्वकप फुटबलसँग जोडिएर चर्चामा छिन् । कतार संस्करणको फिफा विश्वकप फुटबल अहिले जारी छ । फुटबलको समापन समारोहमा दीपिकाले ट्रफी अनावरण गर्ने बताइएको छ ।
पुस ३ गते आइतबार लुसैल रंगशालामा हुने अन्तिम खेलमा उनले ट्रफी अनावरण गर्ने भएको भारतिय मिडियामा जनाइएको छ । फिफाको इतिहासमा कुनै विश्व सेलिव्रिटीले पहिलोपटक ट्रफीलाई अनावरण गर्न लागेको हो ।
यस अघि दीपिकाले विश्व प्रतिष्ठित कान्स फिल्म फेस्टिभलमा जुरीको रुपमा पनि सहभागि भएकी थिइन् । अब उनले पाएको मौकाका लागि उनी चाँडै कतारतर्फ प्रस्थान गर्ने भएकी छन् ।
प्रतिक्रिया दिनुहोस्
