काठमाडौं । एक युटुब च्यानलमा अन्तरवार्ता दिएपछि एकाएक भाइरल बनेका सचिन परियार बिरामी परेका छन् । रमाइलो तरिकाले बोल्ने शैली तथा आनीबानीका कारण भाइरल बनेका सचिन बिरामी भएपछि अस्पताल भर्ना गरिएको हो । उनको हात गोडा चल्न छाडेपछि अस्पतालमा राखेर उपचार शुरु गरिएको बताइएको छ । टिचिङ अस्पतालको आइसीयूमा राखेर उनको उपचार भइरहेको छ ।
उनले राम्ररी बोल्न र हातखुट्टा चलाउन नसकेको चिकित्सकले बताएका छन् । अघिल्लो दिन पिकनिक गएका सचिन सामान्य अवस्थामा देखिएका थिए । तर भोलिपल्ट उनलाई उभिन कठिनाइ भएको स्कुलका शिक्षकहरुले बताएका छन् ।
१२ वर्ष पुगिसकेका सचिनको अनौठो व्यवहारका कारण धेरैले रुचाएका थिए । उनले महानायक राजेश हमाल लगायतका चर्चित कलाकारहरुसँग म्युजिक भिडियोमा पनि अभिनय गरिसकेका छन् । उनलाई भद्रकाली शिक्षा सदनले निशुल्क पढाउदै आएको छ ।
प्रतिक्रिया दिनुहोस्
