काठमाडौँ । चार्ल्स शोभराजलाई १० वर्ष नेपाल फर्कन नपाउनेगरी शुक्रवार उनकै देश फ्रान्स पठाइएको छ ।
उनी नेपालको कारागारबाट आजै रिहा भएका हुन् ।
उनलाई साँझ ६ बजे दोहातर्फ पठाइएको बताइएको छ। दोहाबाट उनी शनिवार प्यारिस पुग्नेछन् ।
सन् १९७५ मा दुई विदेशी नागरिकको हत्या र फर्जी राहदानी प्रयोग गरेको अभियोगमा उनलाई छुट्टाछुट्टै मुद्दा चलाइएको थियो। सबैमा उनी दोषी ठहर भएका थिए।
हत्याको अपराधमा उनलाई सर्वस्वसहित जन्मकैद सुनाइएको थियो।
पन्चानब्बे प्रतिशत कैद भुक्तान गरिसकेका र उनी मुटुको बिरामी भएको भन्दै बुधवार सर्वोच्च अदालतले शोभराजलाई रिहा गरेर १५ दिनभित्र स्वदेश फर्काउन आदेश दिएको थियो।
प्रतिक्रिया दिनुहोस्
