काठमाडौँ महानगरपालिकाका नगर प्रहरी प्रमुख यतिवेला विवादमा छन् । महिला प्रहरीलाई दुर्व्यवहार गरेको आरोप लागेका नगर प्रहरी प्रमुख राजुनाथ पाण्डेमाथि छानबिन गर्न तीन सदस्यीय समिति गठन गरिएको छ ।
प्रहरी हवल्दार गंगा उप्रेतीले आफूलाई सुत्केरी हुँदा पाण्डेले दुर्व्यवहार गरेको भन्दै उजुरी दिएपछि उनीमाथि छानबीन गर्न लागिएको हो ।
छानबिन समितिको संयोजकमा सामाजिक विकास विभागका प्रमुख गोपालप्रसाद पोखरेल छन् भने न्याय प्रशासन विभागकी सुमित्रा लामिछाने र सहरी योजना आयोगकी उपनिर्देशक सरिता कुमारी राई सदस्य छिन्।
समिति गत पुष ८ गते गठन गरिएको थियो ।
छानबीनका क्रममा उनी दोषी ठहरिए उनीमाथि कारबाही हुनेछ ।
प्रतिक्रिया दिनुहोस्
