प्रचण्डले सल्लाह नै नगरी प्रधानमन्त्री भएको भन्दै टिप्पणी गरिरहेको नेकपा एकीकृत समाजवादीले समर्थन गर्ने या नगर्न भन्ने कुरा अन्यौलमा रहेको बताएको छ । राजधानीमा बसेको पोलिटब्यूरो बैठकले प्रचण्डलाई सहयोग गर्ने या नगर्ने भन्ने कुरामा आफूहरु अझै एकमत नभएको निश्कर्ष निकालेको छ ।
नेकपा एस सरकारमा जाला या नजाला भन्ने विषयले यतिबेला ध्यान खिचेको छ । आफूहरु सरकारमा जान चाहे पनि कुनै औपचारिक प्रस्ताव नआएको नेताहरुले बताएका छन् ।
प्रवक्ता जगन्नाथ खतिवडाले विगतमा सँगै गठबन्धन गरेका नेता पुष्पकमल दाहाल प्रचण्ड प्रधानमन्त्री भएसँगै समर्थन गर्ने कि नगर्ने भन्ने सम्बन्धमा आफूहरूलाई धर्मसङ्कट परेको बताए ।
अब वामपन्थी शक्तिहरुका बीचमा फेरी एकपटक एकता गर्नुपर्ने नेकपा एसका नेताहरुले बताएका छन् ।
तत्कालीन प्रधानमन्त्री केपी शर्मा ओलीले संसद विघटन गरेपछि प्रचण्ड र नेपालको निकटता एकदमै नजिकिएको थियो । तर प्रचण्डले अहिले ओलीको साथ लिएर प्रधानमन्त्री बनेपछि नेकपा एस प्रचण्डप्रति अलि रुष्ट बनेको छ । उनीहरु सरकारमा नजाने र प्रचण्डलाई विश्वासको मत एसनिकट नेताहरु बताउँछन् ।
यही पुष १० गते एमालेको समर्थनमा नेकपा माओवादी केन्द्रका अध्यक्ष पुष्पकमल दाहाल प्रचण्ड प्रधानमन्त्रीमा नियुक्त भएका थिए । उनले पुष २६ गते विश्वासको मत लिने तयारी छ ।
