काठमाडौँ । पुष्पकमल दाहाल प्रचण्ड नेतृत्वको सरकारमा जाने या नजाने भन्ने विषयमा नेकपा एकीकृत समाजवादी पार्टीले अझै निर्णय गर्न सकेको छैन ।
आज मङ्गलवार सम्पन्न पार्टी पोलिटब्युरो बैठकले सरकारमा जाने या नजाने भन्ने विषयमा निर्णय गर्न केन्द्रीय समितिलाई जिम्मा दिएको छ ।
बैठकमा नेताहरूले सरकारले देश र नागरिककाे हितमा ल्याउने कार्यक्रमलाई हेरेरमात्रै सरकारमा जानेबारे आवश्यक निर्णय लिन पनि पार्टी नेतृत्वलाई सुझाव दिएका थिए ।
त्यसैगरी बैठकले वामपन्थी पार्टीहरूबीचको एकता र सहकार्यका लागि आवश्यक गृहकार्य गर्ने अनुमति पनि पार्टी केन्द्रीय सचिवालयलाई नै प्रदान गरेको छ ।
प्रतिक्रिया दिनुहोस्
