काठमाडौँ । निर्वाचन आयोगले खर्च विवरण नदिएको भन्दै काठमाडौँ महानगरका मेयर बालेन्द्र शाहलाई जरिवाना तिर्न लगाएपछि शाह सर्वोच्च अदालत पुगे ।
मेयर बालेन्द्र शाह (बालेन)ले निर्वाचन आयोग विरुद्ध सर्वोच्च अदालतमा रिट दिएका हुन् ।
उनले आफूले कानुनले तोकेको अवधिभित्रै असार १२ गते निर्वाचन आयोगमा खर्च विवरण पेश गरेको दावी गरेका छन् ।
निर्वाचन परिणाम घोषणा भएको मितिले ३० दिनभित्र निर्वाचन खर्चको विवरण पेश गर्नु पर्नेमा ३० औं दिनमा सार्वजनिक विदा परेकाले त्यसको भोलिपल्ट पेश गरेको बालेनले दावी गरेका छन् ।
निर्वाचन आयोगले खर्च विवरण नबुझाउने देशभरिका प्रतिनिधिबाट जरिवाना मागेको थियो ।
प्रतिक्रिया दिनुहोस्
