काठमाडौं – फिल्म ‘ह्यारी कि प्यारी’को ट्रेलर सार्वजनिक भएको छ । डा. कपिल रिजाल निर्देशित यस फिल्मको ट्रेलर आइतबार काठमाडौंमा एक कार्यक्रमको आयोजना गरी सार्वजनिक गरिएको हो । ट्रेलरमा हाँसो र रोदनको दुईटा पाटो देखाइएको छ । ट्रेलरमा अभिनेता जितु नेपाल र अभिनेत्री साम्राज्ञी आरएल शाह देखिएका छन् । ट्रेलरमा उनीहरुबीचको भेट पछि आउने उतार(चढाव देखाइएको छ ।
ट्रेलरमा आमाले बिहे नगरेसम्म जग्गा बेच्न नमिल्ने कागजपत्र बनाएपछि पैसा कमाउन काठमाडौं झरेका छन् । साम्राज्ञीसँग भेटपछि उनीहरुको विवाह हुन्छ । फिल्ममा जितु र साम्राज्ञीसँगै विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई लगायतका कलाकारको अभिनय रहेको छ । यस फिल्मको एउटा गीतमा अभिनेत्री रेखा थापाले नृत्य गरेकी छन् ।
फिल्ममा निर्देशक रिजाल स्वयंको कथा, सुदीप बराल, गिरीराज घिमिरे, डा. रिजाल, अभिमन्यू निरवीले मिलेर पटकथा तथा संवाद लेखेका हुन् . फिल्ममा दीप बरालको छायांकन र अर्जुन जिसीको सम्पादन रहेको छ । फिल्म आगामी माघ २० गतेबाट प्रदर्शनमा आउदैछ ।
