महालक्ष्मी विकास बैंक लिमिटेडले हिम इलेक्ट्रोनिक्स प्रालिसँग सम्झौता गरेको छ । इलेक्ट्रोनिक्स क्षेत्रका संस्थासँग व्यवसायीक समन्वय गरी अगाडि बढ्ने अभिप्रायका साथ बैंकले सम्झौता गरेको जनाएको छ ।
सम्झौता अनुसार बैंकका ग्राहकहरुले सामसुङ डिजिटल प्लाजाका दरबारमार्ग, बानेश्वर, बौद्ध (चुचेपाटी), भक्तपुर, पुल्चोक र खुसिबु शाखाहरु मार्फत विभिन्न विद्युतीय सामाग्रीहरुको खरिदमा विशेष छुट प्राप्त गर्न सक्नेछन् ।
बैंकका ग्राहकहरुले सामसुङ प्लाजाबाट कन्जुमर इलेक्ट्रोनिक्सहरुको खरिदमा १५ प्रतिशत र मोबाइल फोनको खरिदमा ५ प्रतिशतको आकर्षक छुट प्राप्त गर्न सक्नेछन् ।
सम्झौता पत्रमा कम्पनीका तर्फबाट प्लाजा प्रबन्धक निकिता शर्माले र बैंकका तर्फबाट निक्षेप बजारीकरण तथा संस्थागत सम्पर्क विभागका प्रमुख बसन्त बक्सीले हस्ताक्षर गरेका हुन् ।
आपसी सम्झौताले विद्युतीय सामाग्रीहरुको प्रयोगमा ग्राहकहरुको पहुच बढ्नुका साथै सहज र सुलभ सेवाबाट लाभान्वित हुने विश्वास बैंकले लिएको छ ।
