काठमाडौं – नेपाली चलचित्र क्षेत्रका चर्चित दुई अभिनेता एउटै फिल्ममा देखिने भएका छन् । दिनेश राउतले निर्देशन गर्ने नयाँ फिल्ममा अभिनेताद्वय आर्यन सिग्देल र प्रदीप खड्काको अभिनय रहने बताइएको छ ।
फिल्म ‘प्रकाश’पछि चुप बसेका दिनेश अब करिब ६०(७० वर्ष अगाडिको कथामा निर्माण हुने फिल्म बनाउने तयारीमा छन् । फिल्मका बारेमा अभिनेताद्वयसँग सम्झौता भने नभएको उनले बताए । निर्देशक राउतको ‘नोभेम्बर रेन’, ‘क्लासिक’मा आर्यन खेलिसकेका छन् भने प्रकाशमा प्रदिपले अभिनय गरिसकेका छन् । अहिले यी दुर्व अभिनेता निर्देशक राउतका नजिक छन् ।
दुवै नजिक रहेकाले मौखिक सहमति भइसकेको उनले बताएका छन् । उनले भने डेढ(दुई वर्षै लाग्ला । त्यसैले अहिले धेरै कुरा भन्न सकिँदैन । यो बायोपिक हो । यसमा आर्यन र प्रदीपलाई लिने मेरो सोच हो ।
प्रतिक्रिया दिनुहोस्
