कृषि बिकास बैंक लिमिटेडको ५६ औँ वार्षिक उत्सवको अवसरमा रक्तदान कार्यक्रम सम्पन्न गरिएको छ । कृषि बिकास बैंक कर्मचारी संघ नेपाल, मुख्य कार्यालय समितिको आयोजनामा उक्त कार्यक्रम सम्पन्न भएको हो ।
नेपाल रेडक्रस सोसाईटीको सहजीकरणमा रक्तदान कार्यक्रक्रम सम्पन्न भएको र १ सय ४७ जनाले रक्तदान गरेको कृषि बिकास बैंक कर्मचारी संघ, नेपालका संगठन विभाग प्रमुख छगेन्द्र आचार्यले बताए ।
बैंक कर्मचारी संघ नेपाल, मुख्य कार्यालय समितिका संयोजक राम बहादुर लामाको अध्यक्षतामा कार्यक्रम सह–संयोजक सुरेश कुमार क्षेत्रीले सञ्चालन गरेका थिए ।
पेशागत महासंघ नेपालका संयोजक बाबुराम थापाको प्रमुख आतिथ्यता रहेको उक्त कार्यक्रममा अतिथिको रुपमा पेशागत महासंघ नेपालका सह–संयोजक दयाराम बस्याल, सचिवालय सदस्य मधुरेन्द्र झा, बैंकका संचालक समिति सदस्य संजिव पौडेल, बैकका निमित्त प्रमुख कार्यकारी अधिकृत प्रताप सुबेदी, बैंक, बिमा तथा बित्तीय क्षेत्र कर्मचारी संघ नेपालका अध्यक्ष धर्म प्रसाद मैनाली, कृषि बिकास बैंक कर्मचारी संघ नेपालका संयोजक लिला जि.सी.लगायत बैंकका उच्च पदस्थ कर्मचारीहरु, युनियनका प्रतिनिधिहरुलगायत उपत्यकाभित्र रहेका कर्मचारीहरुको उपस्थिति रहेको थियो ।
