काठमाडौं – कम्बोडियामा आगलागीमा परी ज्यान गुमाएका झापा बिर्तामोडका निराकार पाण्डेको शव आज राति नेपाल आइपुग्ने भएको छ । कम्बोडियास्थित पोइपेट सहरमा रहेको ग्राण्ड डायमण्ड सिटी होटल ९क्यासिनो०मा गत पुस १५ गते बिहान आगलागी भएको थियो । सो आगलागीमा नेपालका पाण्डे पनि परेका थिए ।
क्यासिनोमा आगलागी भएपछि आफूलाई बचाउन होटलको १२औँ तलाको झ्यालबाट हामफाल्दा निराकारको ज्यान गएको थियो । सरकारी पक्षबाट शवको प्रमाणीकरण नहुँदा शव ल्याउन निराकारको शव ल्याउन ढिलाई भइरहेको थियो ।
प्रधानमन्त्री पुष्पकमल दाहाल ‘प्रचण्ड’ले छिटो शव नेपाल ल्याउन सरकारी अधिकारीलाई निर्देशन दिएपछि नेपालबाट पाण्डेको आवश्यक कागजात पठाइएको थियो । पाण्डेको आवश्यक कागजात पठाएसँगै कम्बोडियाले शवको प्रमाणीकरण गरेपछि उनको शव शुक्रबार थाइल्याण्ड हुँदै नेपाल ल्याउन लागिएको हो ।
प्रतिक्रिया दिनुहोस्
