काठमाडौं – सांसद ज्ञानेन्द्रबहादुर शाहीले जुम्लामा विमानस्थल नबने आन्दोलन गर्ने चेतावनी दिएका छन्। मंगलबार प्रतिनिधि सभाको बैठकमा बोल्दै शाहीले यस्तो चेतावनी दिएका हुन् ।
उनले विमानस्थलका नाममा करोडौँ खर्च हुने गरेको भन्दै विमानस्थल नबने आन्दोलन गर्ने बताए । उनले जनताले कर तिरिरहेपनि पाउनुपर्ने सुविधा नपाइरहेको र यसलाई सुधार गर्नुपर्ने भनाई राखे । यस्तै उनले नेपालमा शिक्षाको गुणस्तारमा सुधारको आवश्यकता रहेको पनि बताए ।
उनले सबै माननीयका सन्तान अनिवार्य रुपमा सरकारी विद्यालयमा भर्ना गरौँ भनेर सदनबाटै निर्देश जारी गर्नुपर्ने पनि बताए । उनले भने – ‘हामी शिक्षा प्रणालीको सुधारको कुरा गरेर मात्र हुँदैन्। कार्यान्वयनमा उत्रनपर्छ। आजैको यो सदनमा हामी सबै माननीयका सन्तान अनिवार्य रुपमा सरकारी विद्यालयमा भर्ना गरौँ भनेर निर्देश जारी गरौँ।’
प्रतिक्रिया दिनुहोस्
