काठमाडौं – फिल्म’ह्यारी कि प्यारी’को दोस्रो गीत सार्वजनिक भएको छ । युग भुषालको संगीत तथा निर्देशक डाक्टर कपिल रिजालको शब्द रचना रहेको’मिठो मिठो’ बोलको गीत बुधबार युट्युबमा सार्वजनिक भएको हो । गीतमा सौरव दास र देवाञ्जली वी जोशीको स्वर रहेको छ । भिडियोमा अभिनेत्री साम्राज्ञी राज्यलक्ष्मी शाह र जितु नेपालको अभिनय रहेको छ ।
आगामी माघ २० गतेबाट प्रदर्शनको तयारीमा रहेको यस फिल्ममा साम्राज्ञी र जितुका अलवा विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनाल लगायतका कलाकारको अभिनय रहेको छ ।
डाक्टर कपिल रिजालको प्रस्तुतिमा निर्माण भएको फिल्ममा रिजाल स्वयंमको कथा तथा निर्देशन, सुदीप बराल, गिरीराज घिमिरे, डाक्टर रिजाल, अभिमन्यू निरवीको पटकथा र संवाद लेखन रहेको छ । यस्तै फिल्ममा डाक्टर भोला रिजालको गीत रचना, शिखर सन्तोष रहेको छ भने सुदीप बरालले छायांकन र अर्जुन जिसीले सम्पादन गरेका छन् ।
