काठमाडौं – फिल्म ‘ह्यारी कि प्यारी’को ‘दम दम’ बोलको गीत सार्वजनिक भएको छ । डाक्टर कपिल रिजालको डेव्यु निर्देशनमा बनेको यस फिल्मको गीत शनिबार युट्युबमा सार्वजनिक गरिएको हो ।
गीतको भिडियोमा अभिनेत्री साम्राज्ञी आरएल शाह बोल्ड अवतारमा देखिएकी छिन् । भिडियोमा अभिनेत्री शाहलाई नृत्यमा आरए सुरज पौडेलले साथ दिएका छन् । गीतमा थोम्स एन्ड्रियूजको स्वर रहेको छ भने युग भुषालको शब्द तथा संगीत रहेको छ ।
फिल्ममा साम्राज्ञीसँगै जितु नेपाल, विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनालको अभिनय रहेको छ ।फिल्ममा रिजाल स्वयंमको कथा तथा निर्देशन रहेको छ भने सुदीप बराल, गिरीराज घिमिरे, डा। रिजाल, अभिमन्यू निरवीको पटकथा र संवाद लेखन रहेको छ । फिल्म आगामी माघ २० गतेबाट प्रदर्शनमा आउँदैछ ।
प्रतिक्रिया दिनुहोस्
