काठमाडौं – पछिल्लो समय अभिनेता शाहरुख खानको फिल्म ‘पठान’ को निकै चर्चा छ । बुधबारदेखि प्रदर्शनमा आएको फिल्म पठानले पहिलो दिनदेखि नै धमाकेदार कमाई गर्दै आइरहेको छ । भारतिय मिडियाका अनुसार यस फिल्मले पहिलो दिनमा भारतिय बक्सअफिसमा ५७ करोड भारू व्यापार गरेको थियो । यो फिल्म पहिलो दिनमा राम्रो कमाई गर्ने हिन्दी फिल्म पनि बनेको छ । यस फिल्मले हालसम्म २ सय करोड कमाइ गरिसकेको छ ।
अहिले यस फिल्मलाई लिएर बलिउडका धेरै कलाकारले प्रशंसा गरिरहेका छन् । अभिनेत्री नेहा धुपियाले पनि फिल्म पठान र शाहरुखको प्रशंसा गरेकी छिन् । सन् २००४ मा रिलिज भएको आफू अभिनित बोल्ड फिल्म ‘जुली’को कुरा निकालेकी छिन् ।
त्यति बेला उनले बलिउडमा की सेक्स बिक्ने की शाहरुख खान बिक्ने बताएकी थिइन् । उनले भनेकी थिइन् – ‘बलिउडमा या सेक्स बिक्छ या शाहरुख खान’ एक प्रयोगकर्ताले यसैलाइृ ट्वीटरमा प्रत्युत्तर दिंदै ‘केवल सेक्स र शाहरुख खान बिक्छ । यो कुरा आज पनि उत्तिकै सत्य छ’ भनेका छन् ।
सिद्धार्थ आनन्दले निर्देशन गरेको फिल्मले राम्रो प्रतिक्रिया पनि पाइरहेको छ । यस फिल्ममा शाहरूख र दीपिका पादुकोणसँगै जोन अब्राहमको पनि मुख्य भूमिका रहेको छ ।
