काठमाडौं – फिल्म पशुपति प्रसाद २ को घोषणा भएको छ । आइतबार काठमाडौंमा एक कार्यक्रमको आयोजना गर्दै फिल्म पशुपति प्रसाद २ घोषणा गरिएको हो ।
दीपेन्द्र के खनालको निर्देशन रहने यस फिल्मलाई पशुपति प्रसाद २ भस्मे डन नाम दिइएको छ । यसअघि फिल्म पशुपति प्रसादमा अभिनेता विपिन कार्की भस्मे डन बनेका थिए । सो फिल्ममा भस्मे डन लोकप्रिय पात्र रहेकोले नाम दिइएको बताइएको छ ।
फिल्म पशुपति प्रसाद २ मा विपिनसंगै सौगात मल्ल, स्वस्तिमा खड्का, प्रकाश घिमिरे, रविन्द्र सिंह बानियाँ, मिस्श्री थापा, सजन थापा मगर, विभू पौडेल, प्रकाश दाहाललगायतका कलाकारको अभिनय रहने भएको छ । अब यस फिल्म फिल्म २०८० सालको दशैँ अवसर पारेर फूलपातीमा रिलिज गरिने भएको छ ।
प्रतिक्रिया दिनुहोस्
