काठमाडौं – रामबाबु गुरूङद्धारा निर्देशित फिल्म फूलवारी आजवाट देशभर प्रदर्शनमा आएको छ । उपेन्द्र सुब्बाले लेखेको यस फिल्मको प्रिमियर बिहिबार गरिएको थियो । प्रिमियरमा धेरै कलाकारहरु आएका थिए ।
प्रिमियरमा यस फिल्मकी नायिका प्रियंका कार्की पनि नौलो लुक्समा देखिइएकी थिइन् । प्रिमियरमा धेरैको ध्यान प्रियंकाको पहिरनमा गएको थियो । उनको पहिरनको कलाकारहरुले प्रशंसा पनि गरेका थिए । शुक्रबार प्रियंकाले सामाजिक सञ्जालमार्फत सोही दिन खिचिएको आफ्ना तस्बिर शेयर गरेकी छिन् ।
अवकाशप्राप्त शिक्षकको जीवनी देखाइएको यस फिल्ममा विपिन कार्की, अरुणा कार्की, प्रियङ्का, सोमनाथ खनाल, अनुपम शर्मा, मनिष ढकाल, गौमाया गुरुङ, साक्षी सिंह भण्डारीसहित विशेष भूमिकामा अभिनेता दयाहाङ राई देखिएका छन् ।
सञ्चयकोषमार्फत पाउने रकम विद्यालयमै आफ्नी आमाको नामबाट कोष खडा गरेर अवकाशप्राप्त जीवन आफ्नो श्रीमती र सन्तानसँग बिताउने चाहना राखेको अभिभावकको अभाव र सरलताको कथा फिल्ममा देखाइएको छ
