काठमाडौँ । गायक हिमाल सागरले ए होर मायाको सफलतासँगै मैँ राजा तिमी रानीको भिडियो रिलिज गरेका छन् । हिमाल र अनु चौधरीको स्वर रहेको मैँ राजा तिमी रानीमा सन्तोष दाहालको शब्द तथा विशाल निरौलाको संगीत तथा एरेन्ज रहेको छ ।
पुष्कर खत्रीको मिक्स र मास्टरिगं रहेको गीतको भिडियोमा हिमाल सागरसँग टिकटकबाट चर्चा कमाएकी मिस पवीको अभिनय देख्न सकिन्छ । एक प्रेमील जोडीको रोमान्टिक प्रेम कहानीलाई कलात्मक शैलीमा देखाइएको मैँ राजा तिमी रानीको निर्देशन बिक्रम चौहानले गरेका हुन् ।
उत्सब दाहालले छायांकन गरेको भिडियोको सम्पादन मिन रावलले गरेका हुन् भने कलरिगं विकाश दाहालले गरेका हुन् । शमसेर श्रेष्ठको निर्माणमा तयार भएको भिडियो साईराम पिक्चर्सको युट्युब च्यानलबाट बजारमा आएको हो । भिडियो रिलिज गरिए लगत्तै राम्रो प्रतिक्रिया आइरहेको निर्मण यूनिटले जनाएको छ । हेर्नुहोस् भिडियो
