काठमाडौं – फिल्म ‘छक्का पन्जा ४’ आउँदो शुक्रबारदेखि देशभर प्रदर्शनमा आउँदैछ । अहिले निर्माता र कलाकार फिल्म प्रचारमा व्यस्त छन् । फिल्म प्रचारको लागि सामाजिक सञ्जाल र टेलिभिजनको सहयोग लिइएको छ ।
यस्तै यस फिल्मको प्रचारप्रसारको लागि प्रमोशनल गीत पनि सार्वजनिक गरिसकिएको छ। ओएसआर डिजिटल युट्युब च्यानलमार्फत सार्वजनिक गरिएको प्रमोशनल गीत केदार घिमिरे ‘माग्ने बुढा’ले गाएका छन् । यसैबीच यस फिल्मका कलाकार माग्नेबुढाले बलिउडमा पनि फिल्मको प्रचार गरेका छन् ।
सलमान खानको पेजमा कमेन्ट गर्दै छक्का पन्जा ४ आउँदो शुक्रबार बाट हलमा लाग्ने बताएका छन् । सलमानले राखेको स्टाटसमा केदारले कमेन्ट गर्दै लेखेका छन् – ‘वेटिङ.. हमारे नेपालमे भी मार्च ३ से सिनेमा ‘छक्कापञ्जा ४’ आ रहा है भाईजान ।’
हेमराज विसीले निर्देशन गरेको यस फिल्ममा दीपकराज गिरी, दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायतका कलाकारको अभिनय रहेको छ ।
