काठमाडौँ । नेपाली कांग्रेसका सभापति शेरबहादुर देउवाले राष्ट्रपतिका उम्मेदवार रामचन्द्र पौडेलको प्रशंसा गरेका छन् । उनले नेता रामचन्द्र पौडेल लोकतन्त्रका लागि ठूलो त्याग र सङ्घर्ष गरेका नेता भएको उल्लेख गर्दै विजयी बनाउन सबैलाई आग्रहसमेत गरेका छन् ।
राष्ट्रपति निर्वाचन अभियान परिचालन र संयोजन समितिले आठ राजनीतिक दलका प्रतिनिधिसभा र राष्ट्रियसभा सदस्यहरूका लागि गरेको भेलालाई सम्बोधन गर्दै उनले पौडेलको प्रशंसा गरेका हुन् ।
राष्ट्रपतिको निर्वाचन यही फागुन २५ गते हुँदैछ ।
यता नेकपा एमालेले भने सुवास नेम्वाङलाई राष्ट्रपतिको उम्मेदवार बनाएको छ ।
प्रतिक्रिया दिनुहोस्
