काठमाडौं । चर्चित गायिका एलिना चौहान प्रेममा रहेको खुलेको छ । पछिल्लो समय ‘धोकेबाज हौ तिमी’गीतबाट निकै चर्चामा आएकी एलिना अहिले सांगीतिक कार्यक्रमका लागि अष्ट्रेलियामा छिन् । अष्ट्रेलियामा रहेकी उनले पछिल्लो दिनमा एक युवकसँगको टिकटक भिडियो पोष्ट गरिरहेकी छिन् ।
एकपछि अर्को गर्दै एक युवकसँगको टिकटक भिडियो पोष्ट गरेपछि एलिना प्रेममा रहेको अनुमान लगाइएको छ । उक्त पोष्टमा धेरैले बधाई पनि दिएका छन् । टिकटकमा एलिनासँगै देखिएका युवक अष्ट्रेलियामा बसोबास गर्दै आएका विष्णु सापकोटा हुन् । केही नेपाली गीतहरु पनि गाएका विष्णु लोकदोहोरी प्रतिष्ठानको अष्ट्रेलिया शाखाका अध्यक्ष पनि हुन् ।
गएको भदौमा तिजको कार्यक्रमका लागि अष्ट्रेलिया गएको समयमा एलिना र बिष्णुबीच भेटघाट भएको थियो । स्रोतका अनुसार अहिले उनीहरुबीच प्रेमसम्बन्ध रहेको बताइएको छ । विष्णुसँगको एउटा टिकटक भिडियोमा एलिनाले #albisa55 ह्यासट्याग लेखेकी छन् । दुईजनाको नाम जोडेर उनले यो ह्यासट्याग बनाएको अनुमान लगाइएको छ ।
