काठमाडौँ – भारतका चर्चित गायक तथा र्यापर हनी सिंह नेपाल आउने भएका छन् । चैत २५ गते काठमाडौँको बौद्धस्थित होटल ह्यात रिजेन्सीमा सांगीतिक कार्यक्रम आयोजना गरिएको छ । सोही कार्यक्रममा सहभागी हुन उनी पहिलो पटक नेपाल आउन लागेका हुन् ।
युनिफाइ नेपालको आयोजनामा हुने उक्त सांगीतिक कार्यक्रममा सहभागीताको लागि टिकटको व्यवस्था रहेको छ । कार्यक्रमको टिकटको सबै मूल्य सम्बन्धी जानकारी ई-सेवामा राखिएको छ ।
युनिफाई नेपालका रविन श्रेष्ठका अनुसार साधारण टिकटको १ हजारदेखि माथि र भीआइपी टिकटको २ हजार रुपैयाँ भन्दा बढी हुन सक्नेछ । अहिले सम्पूर्ण टिकटको मूल्य निश्चित भइनसकेको उनले बताए । प्रि बुकिङका लागि सम्पूर्ण टिकट इ(सेवाबाट प्राप्त गर्न सकिने उनले बताए ।कार्यक्रमको लागि आउने सिंहले आफ्नो चर्चित गीतहरूको प्रस्तुती दिनेछन् ।
प्रतिक्रिया दिनुहोस्
