काठमाडौं – बलिउडका चर्चित अभिनेता शाहरुख खान पछिल्लो समय निकै चर्चामा छन् । फिल्म ‘पठान’ हिट भएपछि पछिल्लो समय शाहरुखको भाग्य नै बदलिएको छ । उनलाई फिल्मको अफर पनि आइरहेका छन् ।
उनको पछिल्लो फिल्म पठानपले बक्स अफिसमा धमाका मच्चाउन अझै छाडेको छैन । यस फिल्मले ‘बाहुबली २’ को रेकर्ड पनि तोडेको छ । यसैबीच शाहरुखको लागि लागि अर्को खुशीको खबर छ । भारतिय मिडियाका अनुसार शाहरुख भारतका सबैभन्दा लोकप्रिय स्टार बनेका छन् । उनीसँगै महिलातर्फ आलिया भट्ट पनि सबैभन्दा लोकप्रिय स्टार बनेक िछिन्।
भारतीय रेटिङ एजेन्सी ओरम्याक्सले प्रत्येक महिना लोकप्रिय पुरुष र महिला स्टारको सूची सार्वजनिक गर्ने गरेको छ । यसैकारण उक्त मिडियाले फेब्रुअरी महिनाको सूची सेयर गरेकोमा यी दुई परेका हुन्।
महिला कलाकारतर्फ आलिया पहिलो स्थानमा छिन् भने दोस्रो स्थानमा दीपिका र तेस्रोमा कियारा आडवाणी परेकी छिन् । यष्स्तै पुरुषतर्फ शाहरुखपछि दोस्रो स्थानमा सलमान खान परेका छन् ।
