काठमाडौं – दिपकराज गिरी र दिपाश्री निरौलाको फिल्म छक्का पञ्जा–४ ले धमाका मच्चाइरहदा विपिन कार्की अभिनित फिल्म ‘फूलबारी’ले पनि राम्रो कमाई गरिरहेको छ ।
यस फिल्मले २४ दिनसम्म घरेलु बक्स अफिसमा साढे चार करोड रुपैयाँ हाराहारी कमाइ गरेको बताइएको छ । यस फिल्मले पहिलोहप्तामा नै आफ्नो लगानी उठाइसकेको छ । छक्का पञ्जा–४ चलिरहदा फूलबारी लाई पनि फाइदा पुगेको हो ।
रामबाबु गुरुङको निर्देशनमा बनेको यस फिल्म सामाजिक कथामा आधारित छ । यस फिल्ममा विपिन कार्की, दयाहाङ राई, अरुणा कार्की, प्रियंका कार्की, गौमाया गुरुङ, शिल्पा मास्के लगायतका कलाकारको अभिनय रहेको छ । फिल्ममा उपेन्द्र सुब्बाको लेखन र मनिष ढकालको निर्माण रहेको छ ।
प्रतिक्रिया दिनुहोस्
