काठमाडौं फिल्म ‘बुलाकी’को ‘नाच सुवा नाच’ बोलको गीत फेरि युट्युबमा सार्वजनिक गरिएको छ । सिडी विजय अधिकारी र रचना रिमालको सुमधुर स्वर रहेको गीतमा गोविन्द मधुर आचार्यको शब्द रचना तथा संगीत रहेको छ । भिडियोमा अभिनेता नरेन खड्का र अभिनेत्री सुरक्षा पन्तको अभिनय रहेको छ ।
लक्ष्मण सुनार निर्देशित यस फिल्म आगामी बैशाख १ गतेबाट प्रदर्शनमा आउने भएको छ । फिल्ममा सुरक्षा, नरेनसहित विराज विष्ट, रमेश बुढाथोकी, लक्ष्मी गिरी, कुलदीप अधिकारी, सुशील पोखरेल, झलनाथ खत्री, सोनु सेढाइ, धनबहादुर राई, लक्ष्मण देवकोटा, बसन्त उदास, प्रकाश कँडेल लगायतका कलाकारको अभिनय रहेको छ ।
प्रतिक्रिया दिनुहोस्
