काठमाडौं । चर्चित गायिका एलिना चौहान प्रेममा छिन् । पछिल्लो समय ‘धोकेबाज हौ तिमी’गीतबाट निकै चर्चामा आएकी एलिना अहिले अष्ट्रेलियामा छिन् । अष्ट्रेलिया पुगेर उनले आफू प्रेममा रहेको कुरा सामाजिक सञ्जालमार्फत बताएकी हुन् ।
बाग्लुङ्गका विष्णु सापकोटासँगको टिकटक भिडियो उनले लगातार पोष्ट गरेपछि प्रेममा रहेको अड्कल गरिएको थियो । उनी बिषुसँग प्रेममा रहेको हल्ला चलेपछि एलिनाले आफू प्रेममा रहेको स्वीकारेकी हुन् ।
अब उनीहरुले विवाह गर्ने तयारी गरेको बताइएको छ । यो जोडीले २०८० को मङ्सिरमा विवाह गर्ने बताइएको छ । एलिनाले बिष्णुसंगको तस्विर पोष्ट गर्दै ‘तिम्रो साथले मलाई जीवित राख्छ’ क्याप्सन उल्लेख गरेकी थिइन्।
एलिनाले विष्णु र आफ्नो फोटोमा ‘तिम्रो सम्झनाले मलाई जागै राख्छ । तिम्रो सपनाले मलाई सुत्न दिंदैन । तिम्रो साथले मलाई जीवित राख्छ ।’ उल्लेख गरेकी छिन्।
गएको भदौमा तिजको कार्यक्रमका लागि अष्ट्रेलिया गएको समयमा एलिना र बिष्णुबीच भेटघाट भएको थियो ।
