काठमाडौं । नेपाली चलचित्र क्षेत्रकी चर्चित अभिनेत्री करिश्मा मानन्धर विवादमा तानिएकी छिन् । पछिल्ला दिनमा कामले भन्दा पनि विबादका कारण बढी चर्चामा आउने उनी एकपछि अर्को विबादमा तानिइरहेकी हुन्छिन् ।
उनी केही समय अघि मात्रै निहारिका प्रकरणका कारण विबादमा आएकी थिइन् । अहिले उनी विज्ञापनका कारण फेरी विवादमा आएकी हुन् । सोलार हिटरसम्बन्धी एक विज्ञापनका कारण्ढा करिश्मालाई सामाजिक सञ्जालमा सकरात्मक र नकरात्मक दुवै प्रतिक्रिया आउको छ ।
सोलार हिटरसम्बन्धी एक मिनेट १७ सेकेण्ड लामो उक्त विज्ञापन करिश्माले आफ्नो फेसबुकमा सेयर गरेपछि उनी विवादमा आएकी हुन् । विज्ञापनमा करिश्माको अभिनय र संवादलाई लिएर धेरैले उनकै वालमा नै पुगेर करिश्मालाई नसुहाएको प्रतिक्रिया दिएका छन् । एक प्रयोगकर्ताले त सस्तो विज्ञापनमा काम गरेको भन्दै करिश्माकै वालमा नै कमेन्ट गरेका छन् ।
