काठमाडौँ – वरिष्ठ सञ्चारकर्मी कृष्णा ताम्राकारको निधन भएको छ । उनको गएराति ८६ वर्षको उमेरमा निधन भएको हो ।रेडियो नेपालकी पूर्वसमाचार सम्पादक तथा समाचार वाचिका ताम्राकारको बासबारीस्थित न्यूरो अस्पतालमा उपचारका क्रममा निधन भएको हो ।
विसं २०१८ मा रेडियो नेपाल प्रवेश गरेकी ताम्राकारले २०४९ सालसम्म रेडियो नेपालमा समाचार वाचनका साथै नासो, हाम्रो देशको माटो, हाम्रो वन हाम्रो जीवनलगायत कार्यक्रम सञ्चालन गरेकी थिइन् । उनको आजै पशुपति आर्यघाटमा दाहसंस्कार गरिने भएको छ ।
प्रतिक्रिया दिनुहोस्
