काठमाडौँ । राष्ट्रिय स्वतन्त्र पार्टीका सभापति रवि लामिछानेले भोलि पत्रकार सम्मेलन गर्ने भएका छन् ।
वैशाख १० गते हुने उपचुनावमा आफ्नो र आफ्नो पार्टीको उम्मेदवारीहरुको विषयमा उनले पत्रकार सम्मेलन गर्न लागेका हुन् ।
पत्रकार सम्मेलनबारे उनले आज सामाजिक संजालमार्फत जानकारी दिए ।
रास्वपाले बिहीबार राति सम्भावित उम्मेदवारको सूची सार्वजनिक गरेको थियो । सूचीमा बिहीबार मात्रै पार्टी प्रवेश गरेका अर्थविद् स्वर्णिम वाग्ले र पूर्वडीआईजी रमेश खरेलको नामावली समावेश छ ।
रास्वपाले अर्थविद् डा. बाग्लेलाई तनहुँ क्षेत्र नं १ र खरेलको नाम बारा क्षेत्र नम्बर २ बाट सम्भावित उम्मेदवारका रूपमा बिहीबार राति सार्वजनिक गरेको हो ।
बाराका लागि खरेलसँगै युवराज न्यौपानेको नाम रास्वपाले सम्भावित उम्मेदवारका रूपमा सार्वजनिक गरेको छ ।
बारा २ बाट खरेल रास्वपाका उम्मेदवार हुन् ।
