काठमाडौँ । निर्देशक प्रकाश धितालको निर्देशनमा तयार भएको आँखाको नानी भित्र बोलको गीतको भिडियो रिलिज गरिएको छ । पछिल्लो समय एकपछि अर्को गर्दै भिडियो निर्देशनमा व्यस्त बन्दै गइरहेका निर्देशक धितालले राम्रो सफलता हाँसिल गरिरहेका बेला उनको आँखाको नानी भित्र बोलको भिडियोबाट राम्रो प्रतिक्रिया आइरहेको उनले बताए ।
गायक मेघ पौडलको स्वर रहेको सार्वजनिक गीतमा शब्द , संगीत सिडी बिजय अधिकारीको रहेको छ । गोपाल रसाइलीको एरेन्ज रहेको सार्वजनिक गीतमा मिक्स र मास्टरिगं राजु कार्कीले गरेका हुन् । भिडियोले एक रोमान्टिक प्रेम जोडीको सुन्दरताको वर्णन गरेको छ । उत्सब दाहालको छायांकन तथा विकाश दाहालको सम्पादन र कलिरिङ रहेको आँखाको नानी भित्र गायक स्वयमकै च्यानल अनिमेघ क्रियशनबाट बजारमा आएको हो ।
भिडियोको निर्माण सपना मेघ पौडेलले गरेकी हुन् । जर्नी नामक एल्बमबाट आफ्नो सांगीतिक यात्रा सुरु गरेका गायक मेघका इन्टु मिन्टु लण्डन, मनै त हो, ह्याप्पी बर्थ डे, सायद, तिमी छौ र म छु, हामी विर गोर्खाली, लगायतका दजैनौँ गीतहरु बजारमा आइसकेका छन् ।
