काठमाडौँ– तनहुँ १ को उपनिर्वाचनअन्तर्गत जारी मतगणनामा रास्वपाका स्वर्णिम वाग्लेले अग्रता बढाएका छन्। अहिलेसम्म १३ हजार ७ सय ५९ मत गणना सकिँदा वाग्लेले ७ हजार ६ सय २५ मत ल्याएका छन्।
उनलाई पछ्याइरहेका कांग्रेसका गोविन्द भट्टराईले ३ हजार ४ सय ७१ मत ल्याएका छन् भने एमालेका सर्वेन्द्र खनालले २ हजार २ सय १९ मत मात्रै ल्याएका छन्।
गएराति ११ः४५ बजेदेखि मतगणना सुरु भएको गणनामा वाग्लेले अग्रता बढाइरहेका छन्। तनहुँ १ अन्तर्गत ४२ वडामा ६३ हजार ७ सय ५७ मत खसेको थियो। जिल्ला समन्वय समितिको सभाहलमा दुई ठाउँमा मतगणना जारी छ।
प्रतिक्रिया दिनुहोस्
