लगातार पानी परेपछि एसीसी प्रिमियर कपको समूह चरणको नेपाल र साउदी अरेबियाबीचको खेल रद्ध भएको छ।
तालिका अनुसार मूलपानी क्रिकेट मैदानमा बिहान ९ बजे सुरू हुनुपर्ने खेल लगातार पानी परेपछि टससमेत नभइ रद्ध नभएकोहो ।हिजो साँझबाट लगातार पानी परेपछि मैदान भिजेको थियो भने पिचलाई छोपिएको थियो।
खेल रद्ध भएसँगै नेपाल र साउदीले १-१ अंक बाँडेका छन्। योसँगै साउदी ३ हंक जोडेर समूहको तेश्रो स्थानमा उक्लिएको छ।आफ्नो समूहका दुई खेल जित्दै समूहको शीर्ष स्थानमा रहेको नेपालले अब ५ अंक जोडेको छ। योसँगै नेपाल सेमिफाइनलमा प्रवेश गरेको छ।
समूहमा तीन खेलबाट ४ अंक जोडेको ओमान दोस्रो स्थानमा छ भने समान खेलबाट २ अंक जोड्दै मलेसिया चौथो स्थानमा पुगेको छ।
यो समूहमा कतार भने अंकबिहिन भएर पुछारमा रहेको छ। उसले आफ्नो अन्तिम खेल बैशाख १४ गते नेपालसँग खेल्नेछ। यो खेलमा कतारलाई हराएमा नेपाल समूह विजेता बन्नेछ।
त्यस्तै समूहको अन्तिम खेलमा ओमान र साउदी अरव भिड्नेछन्। सो खेलको विजेता सेमिफाइनलमा पुग्ने अर्को टिम बन्नेछ।
