भूमि व्यवस्था, सहकारी तथा गरिवी निवारणमन्त्री एवम् नागरिक उन्मुक्ति पार्टीकी अध्यक्ष रञ्जिता श्रेष्ठले भ्रष्टाचारको मूल जरो सरकारमै भेटेको बताएकी छन्। श्रेष्ठले फेसबुकमा कविता सार्वजनिक गर्दै देश बनाउँछु भन्नेहरूले नै अहिलेसम्म केही नगरेको बताएकी हुन्।
यस्तो छ उनको कविता
बुझ्ननुस् ऊ दोषी यही आधारमा भेटियो
छातीभित्र देश रहेछ कारागारमा भेटियो।
जरो खन्दै गइयो भ्रष्टाचारीहरूको
मूलजरो त आखिर सरकारमा भेटियो।
कहिले भने र यिनीहरूले देश बिगार्छौं भनेर
कति बनाए भन्ने कुरा त व्यवहारमा भेटियो।
शीर झुकाएर नमन उसको कलाकारितालाई
अगाडि गुलाब पछाडि तरबारमा भेटियो।
ऊ होइन भनिरह्यो म जिद्दी गरिरहेँ अन्तिममा
उसको परिवहन मेरो रक्तसञ्चारमा भेटियो।
प्रतिक्रिया दिनुहोस्
