नेपाली रोड थ्रिलर फिल्म ‘बाटो : रोड टु डेथ’ को ट्रेलर सार्वजनिक भएको छ।
सिनेमाका निर्देशक मदन थापा हुन्।
भारतको चेन्नाइमा पोस्टप्रोडक्सन भइरहेको सिनेमा फिल्म नेपाली, अंग्रेजी, तमिल र हिन्दी गरेर छुट्टाछुट्टै ४ भाषामा रिलिज हुनेछ।
सार्वजनिक ट्रेलर सिनेमा थ्रिलरले भरिपूर्ण भएको संकेत गरेको छ।
सिनेमामा मिथिला शर्मा, रक्षा थापा, सुलक्क्षण भारती, उत्पल झा, विजय ताम्राकार, पशुपति राई, आभास अधिकारी, अशान्त शर्मा आदिको अभिनय रहेको छ। सिनेमालाई चन्दन झाले निर्माण गरेका हुन्। निर्माता झाँ काठमाडौं फिल्मका फाउन्डर समेत हुन् ।
काठमाडौंका विभिन्न स्थानसहितए उदयपुरको गाईघाटमा सिनेमाको छायांकन गरिएको हो। निर्माणपक्षले सिनेमाको दोश्रो ट्रेलरसँगै रिलिजमिति सार्वजनिक गर्ने तयारी गरेको छ।
यो सिनेमा डब्बी एटमस साउन्डमा उपलब्ध हुनेछ। डब्बी एटमस साउन्ड सिष्टममा नेपालमा पहिलो पटक सिनेमा तयार हुन लागेको हो।
