‘अन्तिम संस्कार’ को फस्टलुक सार्वजनिक गरिएको छ।
असार ८ गतेलाई रिलिजमिति तोकिएको सिनेमाको सार्वजनिक फस्टलुकमा सिनेमाका प्रमुख पात्रहरुलाई समेटिएको छ।
वरिष्ठ क्याप्टेन रहेका अभिनेता विजय लामाले सिनेमा ‘अन्तिम संस्कार’ बजारमा आइरहेका सिनेमाभन्दा फरक रहेको दाबी गरेका छन् ।
सिनेमालाई प्रदीप शाहीले निर्देशन गरेका हुन्।
शाहीको निर्देशनमा बनेको पहिलो सिनेमा ‘१९१५ लेजेन्ड अफ गोर्खाज’ अमाजोन प्राइममा मे २ बाट रिलिज हुँदैछ।
साई प्रोडक्सन नेपालको ब्यानरमा ह्याम्साएर एकाउन्टेनको सहकार्य रहेको सिनेमा ‘अन्तिम संस्कार’मा भाइराजा थापा, राजुकुमार गुरुङ, सुमन राई, उत्सव विष्ट, रबिन्द्र श्रेष्ठ कार्यकारी निर्माता छन्।
विनोद सुवेदी क्षितिज निर्माता रहेको सिनेमा सामाजिक एवं सांस्कृतिक कथावस्तुमा निर्माण भएको हो। ‘मर्डर मिस्ट्री’लाई सिनेमामा समावेश गरिएको छ।
सिनेमामा विजयका अलावा दिया पुन, एवनराज उप्रेती, त्रिचन्द्र राई, रेश्मा घिमिरे, विशाल पहारी, कृष्णभक्त महर्जनल, श्याम राई, पासाङ शेर्पा, दिग्गज खत्री, सुस्मिता गिरी, आईशा तामाङ, सुरज खालिङलगायतको अभिनय छ।
बाबु श्रेष्ठको छायांकन रहेको यस सिनेमाको प्रोडक्सन डिजाईनर प्रेम खड्का हुन् ।
