रिलिजको ९ औं दिन आइपुग्दा पनि सलमान खानको पछिल्लो रिलिज ‘किसीका भाइ किसीका जान सय करोडको आँकडा पार गर्न असफल भएको छ।
इदको छेकोमा रिलिज भएको सिनेमाले ब्ल्कबस्टर कमाइ गर्ने अनुमान विपरित रिलिजको ९ दिन बितिसक्दा पनि सिनेमाले सय करोड छुननसकेको भारतीय संचारमध्यमले जनाएका छन्।
पछिल्लो वक्सअफिस रिपोर्ट अनुसार सिनेमाले ९ दिन सम्ममा ९५. ८० करोड भारू कमाइ गरेको छ। रिलिजको ९ औं दिनमा सिनेमाको कमाइ ३.३० करोड भारू छ। बिदाका दिनमा भएको यो कमाइ कम भएको भारतीय संचारमाध्यमहरूले जनाएका छन्।
सिनेमाले आज सय करोडको कमाइ छुने अनुमान गरिएको छ।
विश्वव्यापीरूपमा सिनेमाले भने १ सय ५० करोड भारू कमाइ गरेको छ।
सिनेमाले रिलिजको दिन १३ करोड कमाएको थियो भने दोश्रो र तेश्रो दिन क्रमशः २५.७५ र २६.६१ करोड कमाइ गरेको थियो।
यस्तै चौथो दिनमा भने सिनेमाले १०.१२ करोड कमाउँदा पाँचौ र छैटौं दिन ६.१२ र ४.५ करोड रहयो।
यस्तै सातौं र आठौं दिनमा सिनेमाले ३.५ र २.३५ करोड कमाएको छ।
